With English Translation Para sa mga Tatay, Nanay at sa mga Guro, Ang mga kuwentong Batibot sa bagong serye ng Buhay-Bata ay inilathala para sa inyong mga anak. Sadyang inihanda ang mga kuwentong ito sa inyo at unang ipinalabas sa Batibot sa TV, upang matulungan ang inyong mga anak na maintindihan at malutas ang mga hinaharap na isyu at problema sa unang anim na taon ng buhay. Ito ay mga pang-araw-araw na problema na bahagi ng kanilang paglaki at pag-unlad. Bahagi rin ito ng pag-iintindi at pagtanggap nila sa sarili. Makatutulong na mapag-isipan ninyo nang magkasama, mapag-usapan at mapagtulungan ang solusyon na bumabagay sa inyong pamilya. Ang mga simple ngunit mahahalagang isyu sa buhay ng ating mga anak ang piniling talakayin sa pamamagitan ng mga kuwentong pambata-- at pang-magulang, guro o taga-alaga na din-- para sa inyo ang mga Aklat Batibot na ito. Sana ay maging masayang karanasan ang pagbabahagi ninyo ng mga kuwentong Batibot na ito sa inyong mga anak. -Philippine Children's Television Foundation, Inc. Cacho Publishing House ANG KAIBIGAN NG DILIM Kuwento Ni: Rene O. Villanueva Guhit Ni: Joanne de Leon Takot ba kayo sa dilim, mga bata? Sundan natin ang kuwento ni Anton para malaman natin kung paano nawala ang takot niya sa dilim. At kung paano niya ito naging kaibigan. AYOKONG PUMASOK SA PAARALAN Kuwento Ni: Rene O. Villanueva Guhit Ni: Dindo Llana Pumapasok na ba kayo sa paaralan? Ang kuwentong ito ay tungkol kay Bzzz, isang batang bubuyog. Ipapasok sana siya sa paaralan ng nanay niya. Pero ayaw pa niya! NAGSASABI NA SI PATPAT Kuwento Ni: Rene O. Villanueva Guhit Ni: Liza A. Flores Kaya na ba ninyong pumunta sa banyo nang nag-iisa? Ang kuwentong ito ay tungkol sa isang kuting na ang pangalan ay Patpat. ANG KUYA NI KARINA Kuwento Ni: Feny de los Angeles-Bautista Guhit Ni: Abigail Goy Ano kaya ang pakiramdam ng isang batang hindi nakaririnig? Basahin natin ang kuwento ni Karina tungkol sa kanyang kuya para malaman natin. NASAAN ANG TSINELAS KO? Kuwento Ni: Rene O. Villanueva Guhit Ni: Arnold Arre Lagi ba kayong nagsusuot ng tsinelas sa loob at sa labas ng bahay? Alam ba ninyo kung bakit kailangang lagi tayong nakasuot ng tsinelas? Basahin nyo ang kuwento tungkol kay Tanya para malaman ninyo ang sagot. SI PAULA OINK-OINK Kuwento Ni: Rene O. Villanueva Dibuho Ni: Kora D. Albano Marunong ba kayong kumain nang nag-iisa? Ang kuwentong ito ay tungkol sa isang batang kahit maliit pa ay marunong nang kumaing mag-isa. each: size: 8.5 x 5.5 inches cover: Paperback No. of pages: 16 |
|